''Bu addımı atsalar, daha güclü zərbə alacaqlar''

Tarix: 13 Mart 2025 12:39

İran həqiqətən istəsə, ABŞ-nin razılığı olmadan nüvə silahı yarada bilər.

Sonxeber.net xəbər verir ki, bu barədə İranın ali dini lideri Ayətullah Əli Xamenei açıqlayıb. 

O, ABŞ prezidenti Donald Trampın Tehranın nüvə silahı əldə etməsinə icazə verməyəcəkləri ilə bağlı bəyanatına toxunub: "Əgər biz nüvə silahı istehsal etmək istəsək, Amerika bizi dayandıra bilməzdi. Nüvə silahımız olmamasının səbəbi odur ki, biz özümüz əvvəllər qeyd etdiyimiz səbəblərə görə bu tip silahları istəmirik. 

Amerika və onun agentləri səhv addım atsalar, daha güclü zərbə alacaqlar. Təbii ki, biz müharibə istəmirik, çünki müharibə yaxşı bir şey deyil, amma kimsə hərəkətə keçsə, biz qəti şəkildə cavab verəcəyik".  /"Unikal"